Este ano, como unha gran novidade, os alumnos e alumnas de 6º A do noso cole, presentaron unha colección de monumentos do mundo baixo o título "Memorias en pedra".
Despois de moito traballo na escola nas horas de Atención Educativa, dirixidos polo seu profesor e por un membro da Sociedade Filatélica Miño, todas as familias quixeron doar a colección á Sociedade Filatélica para que comece un percorrido expositivo que botará a andar o venres día 8.
O Ceip Plurilingüe Calvo Sotelo será o primeiro centro público que nestes 50 anos ten este xesto, porque o coleccionismo desenvolve uns valores que hai que experimentar, e que son positivos e enriquecen tanto aos que practican como aos que con el se gozan.
No hay comentarios:
Publicar un comentario